Batys Qazaqstanda sý tasqyny qaýpi seıildi

<p>ASTANA. KAZINFORM &ndash; Jaıyq ózeniniń sý deńgeıi qaýipti deńgeıden jarty metrge tómendedi. Bul týraly Batys Qazaqstan oblystyq TJD resmı ókili Nurjan Tóleýish aıtty.</p>

«Qazirgi tańda oblysta qaýiptiń beti seıildi. Jaıyq ózeniniń sý deńgeıi tómendep keledi. Qaýipti deńgeıden jarty metrge deıin tómendedi. Búginde 7 metr 99 sm bolyp tur. Osyǵan baılanysty qazirgi ýaqytta oblysqa jumyldyrylǵan qosymsha kúsh-quraldar óz aımaqtaryna jáne Atyraý oblysyna baǵyt aldy», — dedi ol ortalyq kommýnıkatsııalar qyzmetindegi brıfıngte.

Onyń dereginshe, oblysta 2 eldi meken jol qatynasynsyz qalyp tur.

11 joldy sý shaıý deregi tirkelgen. Ol baqylaýda.

«Evakýatsııalanǵan adam sany ózgerissiz — 14 078 adam, onyń 5 813-i — balalar. Jalpy, evakýatsııa pýnkterinde 2 345 adam bar, 1 017-si — bala. 3 752 adam úıine qaıtaryldy, 7 981 adam týystarynyń úıin panalaǵan. 5 sáýirden bastap gýmanıtarlyq kómek qabyldaıtyn shtabqa 1 mln 495 myń tonnany quraıtyn kómek kelip jetti», — dedi Nurjan Tóleýish.