Batys Qazaqstanda shoqyný meıramy kezinde 27 orynda sýǵa túsýge bolady
BQO TJ departamenti bastyǵynyń orynbasary Qanat Qarabalaev óńirlik kommýnıkatsııalar qyzmeti alańynda ótken brıfıngte málim etkendeı, sonyń ishinde Oral qalasy aýmaǵynda arnaıy jabdyqtalǵan 12 oryn belgilendi.
Onyń sózine qaraǵanda, shoqyný meıramy kezinde 18 qańtar saǵat 23.00-den bastap 20 qańtar saǵat 00.00-ge deıin turǵyndardyń sý qoımasyndaǵy qaýipsizdigin qamtamasyz etý jáne qaıǵyly oqıǵanyń aldyn alý maqsatynda sýǵa túsý oryndarynda kezekshilik uıymdastyrylady.
«Kezekshilikke barlyǵy 160-tan astam TJD qyzmetkeri jumyldyrylady. Qutqarýshylarmen qatar shomylý oryndarynda polıtsııa departamenti men medıtsınalyq jedel-járdem qyzmetteriniń kezekshiligi uıymdastyrylady. BQO TJ departamenti turǵyndarǵa sý basynda bolǵan kezde muqııattylyq tanytý kerektigin eske salady. Sýyq sýda uzaq ýaqyt bolý aǵzanyń tońazýyna soqtyrady. Saldarynan sińir tartylyp, adam esten tanyp, dem alýy qıyndaýy múmkin. Іshimdik iship, mas bolyp, sýǵa shomylýǵa tyıym salynady. Basqa da qaýipsizdik sharalaryn qatań saqtaý kerek», — dedi Q.Qarabalaev.