Batys Qazaqstanda ózennen er adamnyń denesi tabyldy

<p>ORAL. KAZINFORM — Batys Qazaqstan oblysynda ózennen er adamnyń denesi tabyldy.</p>

BQO polıtsııa departamentiniń baspasóz qyzmetinen málim etkenindeı, oqıǵa 13 jeltoqsan kúni Báıterek aýdany aýmaǵynda boldy.

— Shamamen saǵat 12.00-de Sadovoe aýyly mańynda Shaǵan ózenindegi muzdyń ústinen er adamnyń múrdesi tabyldy. Onyń denesinde zorlyq-zombylyq belgileri bolmaǵan. Er adamnyń kim ekeni anyqtaldy. Múrde sot-medıtsınalyq saraptamaǵa jiberildi, — dep habarlady vedomstvodan.

Qazirgi kezde oqıǵanyń jaı-japsary anyqtalý ústinde.

Eske sala keteıik, budan buryn Oralda eki sheteldik azamattyń esirtki zerthanasyn uıymdastyrǵanyn jazǵan bolatynbyz.