Batys Qazaqstanda onnan astam aýyl jaryqsyz qaldy
BQO TJ departamentiniń baspasóz qyzmetinen málim etkenindeı, 7 aqpan kúni saǵat 02.30-da Terekti aýdany ákimdiginen 12 eldi mekende apattyq jaǵdaıda elektr jelisinen ajyratylǵany jóninde habar túsken.
«Terekti aýdanynda barlyǵy 1 160 abonent jaryqsyz qaldy. Qazirgi kezde «Batys Qazaqstan elektr jelilerin taratý kompanııasy» JShS kúshimen (14 adam, 9 tehnıka) qalpyna keltirý jumystary júrgizilýde», - dep habarlady vedomstvodan.
Óńirde boran men kúshti jelge baılanysty elektr jelisi úzilip, jol qatynasy qıyndaǵany jóninde basqa da aýdandar turǵyndarynan habarlar túsip jatyr.
Eske sala keteıik, budan buryn Batys Qazaqstan oblysyndaǵy segiz jolda kólik qozǵalysy shektelgenin jazǵan bolatynbyz.
Búgin tańǵy saǵat 07.00-degi málimet boıynsha oblysta jabylǵan joldar sany 16-ǵa jetti.