Batys Qazaqstanda qýańshylyq bola ma: sınoptıkter boljamy qandaı

<p>ORAL. KAZINFORM &ndash; Batys Qazaqstan oblysynda maýsym aıynyń ortasha temperatýrasy +22,8+26,2&deg;S shamasynda bolmaq, bul normadan (+20,5+23,9&deg;S) nemese ortasha kópjyldyq kórsetkishten 2 gradýsqa joǵary.</p>

«Qazgıdromet» RMK BQO fılıaly gıdrometeorolııalyq monıtorıng bóliminiń bastyǵy Aıdana Meńdibaevanyń óńirlik kommýnıkatsııalar qyzmeti alańynda ótken brıfıngte málim etkenindeı, alǵashqy onkúndikte aýa temperatýrasy túnde +8+13°S-tan oblystyń batysynda +17°S-tan +16+21°S-qa deıin, kúndiz +28+33°S-tan +33+38°S-qa deıin joǵarylamaq.

Aıdana Baýyrjanqyzynyń sózine qaraǵanda, ekinshi onkúndiktiń basynda aýa temperatýrasy túnde +8+13°S-qa deıin, kúndiz +25+30°S-qa deıin tómendeıdi. Sodan keıin aýa temperatýrasy túnde +14+19°S-qa deıin, oblystyń ońtústiginde +24°S-qa, kúndiz +31+36°S-qa deıin, oblystyń ońtústik-batysynda +28°S-qa deıin joǵarylaýy boljanady.

Úshinshi onkúndikte aýa temperatýrasynyń túnde +11+16°S-tan +17+22°S-qa deıin, kúndiz +25+30°S, oblystyń soltústik-shyǵysynda +21°S-tan +31+36°S-qa deıin aýytqýy yqtımal.

«Jaýyn-shashynnyń aılyq mólsheri oblystyń basym bóliginde, ıaǵnı Jánibek, Jańaqala, Tasqala, Aqjaıyq jáne Qaratóbe aýdandarynda normadan az bolady. Al oblystyń soltústik-shyǵysynda norma (17-39 mm) shamasynda kútiledi. Birinshi, ekinshi onkúndiktiń sońynda jáne úshinshi onkúndiktiń ortasynda ótkinshi jańbyr jaýyp, naızaǵaı oınap, jeldiń jyldamdyǵy sekýndyna 15-20 metrge jetýi múmkin. Birinshi onkúndiktiń ortasynda, ekinshi onkúndikte shańdy daýyl turmaq. Úshinshi onkúndiktiń ortasynda daýyl soǵyp, burshaq jaýýy yqtımal», dedi A.Meńdibaeva.

Onyń aıtýynsha, oblys boıynsha maýsym aıynda Kaztalov aýdanynda ortasha qurǵaqshylyq bolýy múmkin. Óńirdiń qalǵan aýmaǵynda norma shamasynda.

«Maýsym-tamyz aralyǵyndaǵy maýsymdyq boljamǵa keletin bolsaq, oblysta maýsym aıynda aýanyń ortasha aılyq temperatýrasy +20,5...+ 23,9 °S, ıaǵnı normadan joǵary, jaýyn-shashyn qalypty mólsherden kem bolmaq. Shilde aıynda ortasha temperatýra +22,7...+ 26,2 °S aralyǵynda, jaýyn-shashyn normadan joǵary bolmaq. Tamyzda temperatýra da (+21,1...+ 24,4 °S), jaýyn-shashyn mólsheri de qalypty bolmaq», dedi A.Meńdibaeva.

Turǵyndardyń sózine qaraǵanda, oblystyń Bókeı ordasy, Jánibek sııaqty ońtústik aýdandarynda kópten beri jańbyr jaýmaı tur. Bul shóptiń shyǵymyna da áser etýde.

Eske sala keteıik, budan buryn Batys Qazaqstanda kıiktiń egistik alqaptaryna kirip ketip jatqanyn jazǵan bolatynbyz.