Batys Qazaqstanda qyzylshamen aýyrǵandar sany 200-den asyp ketti

<p>ORAL. KAZINFORM &ndash; Batys Qazaqstan oblysynda ótken jyly qyzylshamen aýyrǵan 477 adam tirkelse, bıyl jyl basynan beri 205-ke jetti.</p>

BQO sanıtarııalyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda ótken brıfıngide málim etkenindeı, qyzylsha Bókeı ordasy men Jánibekten basqa barlyq aýdanda jáne oblys ortalyǵynda taralyp otyr.

Nurlybek Ermekulynyń sózine qaraǵanda, atalmysh dertke shaldyqqandardyń 42-si – 1 jasqa deıingiler, 80-i – 1-4 jastaǵylar, 30-y – 5-14, 12-si – 15-18 jas aralyǵyndaǵylar, 41-i – eresek turǵyndar.

«Barlyq aýyrǵandardyń 183-i (89,3 paıyzy) – ekpe almaǵandar, sonyń 34,1 paıyzy – ata-anasy ekpeden bas tartqandar, 16,6 paıyzy – medıtsınalyq qarsy kórsetilimderge baılanysty egilmegender, 15,6 paıyzy – ekpe jasyna tolmaǵandar, 23 paıyzy – ekpe alǵandyǵy týraly derekteri joqtar. Kúni búginge deıin 5 jasqa deıingi 33 myńnan astam bala ekpe aldy. Immýndaýmen 18 jasqa tolmaǵan, buryn ýaqtyly ekpe almaǵandar jáne 30 jasqa deıingi epıdemııalyq kórsetkishter boıynsha qyzylsha oshaqtarynda baılanysta bolǵandar da qamtylýda», dedi N.Mustaev.

Eske sala keteıik, budan buryn Batys Qazaqstan oblysynda qyzylshamen aýyryp jatqan 13 balanyń jaǵdaıy aýyr ekendigin jazǵan bolatynbyz.