Batys Qazaqstanda erigen qar sýy joldy shaıyp ketti

<p>ORAL. KAZINFORM &ndash; Batys Qazaqstan oblysynda oblystyq mańyzy bar Chapaev-Jańaqala-Saıqyn jolyn erigen qar sýy shaıyp ketti.</p>

BQO TJ departamentiniń baspasóz qyzmetinen málim etkenindeı, oqıǵa 9 aqpan kúni saǵat 16.30 shamasynda Jańaqala aýdany Másteksaı aýylynan 2 shaqyrym jerde boldy.

«Qardyń kúrt erýi saldarynan sý joldyń ústine shyǵyp ketken (shaıý eni – 55 metr, tereńdigi – 25 sm). Kólik qozǵalysy ýaqytsha toqtatyldy. Avtokólik júretin jaıdaq jol bar. Eldi mekenderge qaýip joq. Jergilikti ákimdik, polıtsııa, TJ bólimi kezekshilik uıymdastyrdy. «ıÝnıserv» JShS kúshimen joldy bekitý jumystary júrgizilýde. Oqıǵa baqylaýda», dep habarlady vedomstvodan.

Eske sala keteıik, budan buryn kúshti jel saldarynan Atyraý-Oral reısi ushpaı qalǵanyn jazǵan bolatynbyz.