Batys Qazaqstanda ekologııalyq aktsııa ótti

<p>ORAL.KAZINFORM &ndash; Elimizde atalyp ótip jatqan Naýryznama on kúndiginiń sońǵy kúni, 23 naýryz &ndash;Tazarý kúni. Bul kúni Batys Qazaqstan oblysynda senbilikter ótti.</p>

Oral qalasynda ótken senbilikke qala turǵyndary, qoǵamdyq birlestikter, stýdentter, jastar jáne ekologııa belsendileri qatysty. Jınalǵandardyń jalpy sany 350-den asty. Olar Shaǵan ózeniniń janyn qýraǵan aǵashtardan tazartyp, jol jıegindegi qoqystardy, aǵash synyqtaryn jınady.

Foto: ​​​​​​​BQO ákimdiginiń baspasóz qyzmeti

Ekologııalyq sharaǵa Batys Qazaqstan oblysynyń Narıman Tóreǵalıevqatysty. Óńir basshysy senbilikke qatysýshylarǵa alǵysyn bildirip, qala ákimdigimen jaýapty mekemelerge qalany tazartý jumystaryn kúsheıtýdi tapsyrdy.

«Memleket basshysynyń tapsyrmasyna sáıkes Naýryznama onkúndigine oraı óńirimizde kóptegen is-shara ótti. Búgin – Tazarý kúni. Soǵan baılanysty senbilikke shyqqan jandarǵa alǵysym sheksiz. Shaǵan ózeniniń eki jaǵynda qýraǵan, qulaǵan aǵashtar kóp. Tazartý jumystary aqpan aıynda bastalyp, qulaýǵa jaqyn turǵan aǵashtar kesildi. Qýraǵan aǵashtardan biz ýaqytyly qutylýymyz kerek. Jalpy alǵanda tıisti mekemeler shaharymyzdy tazartý jumystaryn kúsheıtý qajet» – dedi Narıman Tóreǵalıev.

Óz kezeginde senbilik qatysýshylary osyndaı sharalar jıi uıymdastyrylsa, shahardyń jaınaı túsetinin aıtýda.

Foto: ​​​​​​​BQO ákimdiginiń baspasóz qyzmeti

«Oblysymyzda Naýryznama joǵary deńgeıde atalyp ótti. Ulttyq qundylyqtardy dáriptep, óskeleń urpaqqa durys tálim-tárbıe berýimiz qajet. Olardy tazalyqqa úıretý kerek. Sol baǵytta uıymdastyrylǵan osy senbiliktiń paıdasy kóp», – dedi Oral qalasynyń turǵyny Aıgúl Muratbekova.

Sondaı-aq, Tazarý kúni BQO-nyń barlyq aýdandary senbilikke shyǵyp, kóshelerdi qoqystan tazartý jumystaryna belsendi qatysty.