Batys Qazaqstanda eki jol apatynan 4 adam kóz jumdy

<p>ORAL. KAZINFORM &ndash; Batys Qazaqstan oblysynda eki jol apatynan 4 adam kóz jumdy. BQO polıtsııa departamentiniń baspasóz qyzmetinen málim etkenindeı, eki oqıǵa da 20 qańtar kúni Oral-Atyraý jolynda boldy.</p>

«Saǵat 16.55-te Aqjaıyq aýdany Samal aýyly mańynda 1983 jylǵy ózbekstandyq azamat „Mazda SH-7“ avtokóligimen qarsy betke shyǵyp ketken. Sóıtip „DAF“ júk kóligimen betpe-bet soqtyǵysqan. Saldarynan jeńil kóliktiń júrgizýshisine qosa 1984 jylǵy áıel men 2012 jylǵy jasóspirim ul oqıǵa ornynda qaza tapty. 2009 jylǵy jasóspirim Aqjaıyq aýdandyq ortalyq aýrýhanasyna jetkizildi. Bulardyń barlyǵy — Ózbekstan azamattary.

Foto: BQO polıtsııa departamenti

Ekinshi jol apaty tańǵy saǵat 09.00 shamasynda Oral-Atyraý jolynyń 79-shaqyrymynda boldy. 1963 jylǵy júrgizýshi aıdap kele jatqan «Volkswagen Passat» avtokóliginiń aldyńǵy dóńgelegi jarylǵan. Sodan qarsy bette kele jatqan júk kóligimen túıisip, «Volkswagen Passat» júrgizýshisi oqıǵa ornynda mert boldy.

«Qazirgi kezde osy oqıǵalar boıynsha qylmystyq is qozǵalyp, tergeý amaldary júrgizilýde», - dep habarlady vedomstvodan.

Foto: BQO polıtsııa departamenti

BQO densaýlyq saqtaý basqarmasy baspasóz qyzmetiniń naqtylaýynsha, "Mazda SH-7" avtokóliginde bir otbasy músheleri bolǵan. Erli-zaıyptylar men olardyń kishi uly qaıtys bolǵan. 14 jasar úlken uly aýdandyq aýrýhanada, oǵan ota jasalýda.

Eske sala keteıik, budan buryn Batys Qazaqstanda oblystyq mańyzy bar jol jabylǵanyn jazǵan bolatynbyz.

Sondaı-aq boranǵa baılanysty Qazaqstan-Reseı shekarasynda júk kólikterine shekteý qoıyldy.