Batys Qazaqstanda eki er adam jol apatynan qaza tapty

<p>ORAL. KAZINFORM &mdash; Batys Qazaqstan oblysynda jol apatynan eki adam mert boldy.</p>

BQO polıtsııa departamentiniń baspasóz qyzmetinen málim etkenindeı, oqıǵa 1 qarasha kúni Báıterek aýdany aýmaǵynda boldy.

«Shamamen saǵat 08.00-de Oral-Ozınkı jolynyń 95-shaqyrymynda júrgizýshi «Toıota Granvııa» avtokóliginiń rýline ıe bola almaı qalǵan. Sodan avtokólik aýdarylǵan. Oqıǵa ornynda 58 jastaǵy júrgizýshi men 1960 jylǵy er adam kóz jumdy. Atalǵan derek boıynsha sotqa deıingi tergeý amaldary júrgizilýde. Qazirgi kezde oqıǵanyń mán-jaıy anyqtalyp jatyr», - dep habarlady vedomstvodan.

Turǵyndardyń sózine qaraǵanda, avtokólikte belgili kásipker Vladımır Ohvatov aǵasymen birge bolǵan.

Eske sala keteıik, budan buryn Oralda orman alabynda óli tabylǵan áıeldiń týystary anyqtalǵanyn jazǵan bolatynbyz.