Batys Qazaqstanda daýys berý bastaldy

<p>ORAL. KAZINFORM &ndash; Búgin Batys Qazaqstan oblysynda 510 referendým komıssııasy, onyń ishinde 14 aýmaqtyq referendým komıssııasy 496 ýchaskelik komıssııa jumys jasaýda. Konstıtýtsııalyq zań aıasynda qabyldanǵan sheshimderine sáıkes, daýys berý tańǵy saǵat 07.00-de bastaldy. Batys Qazaqstan oblysynda barlyǵy 496 ýchaske jumys jasap jatyr. Bul týraly BQO aýmaqtyq referendým komıssııasy habarlady.</p>

2024 jylǵy 15 qyrkúıektegi jaǵdaı boıynsha respýblıkalyq referendýmǵa qatysýǵa quqyǵy bar azamattardyń sany — 444 428 adamdy quraıdy.

Foto: BQO ákimdigi

— Oblys turǵyndaryna referendýmǵa qatysý úshin shaqyrý bıletteri daıyndalyp, taratyldy. Referendýmnyń ýchaskelik komıssııalary barlyq qajetti jabdyqtarmen qamtamasyz etilgen. Daýys berý kezinde erekshe qajettilikteri bar azamattar úshin jaǵdaılar jasalǵan. Referendýmnyń barlyq ýchaskeleri 1 qabatta ornalasqan. Daýys berý kúni múgedektigi bar adamdar úshin buryshtamalar uıymdastyrý, qajet bolǵan jaǵdaıda sýrdoaýdarmashylardy, ınvataksı qyzmeti jumys jasaýda, — deıdi kómıssııa tóraǵasy.

Búgin ýchaskelerde daýys berý jergilikti ýaqyt boıynsha saǵat 07:00–den 20:00–ge deıin júrgiziledi. Ýchaskelik saılaý komıssııalary jergilikti ýaqyt boıynsha saǵat 20:00–de daýys sanaýdy, daýys berý nátıjeleri týraly hattama jasaýdy bastaıdy.