Batys Qazaqstanda dalada qurǵaq shóp órtendi
BQO TJ departamentiniń baspasóz qyzmetinen málim etkenindeı, oqıǵa 28 mamyr kúni saǵat 15.05-te Uıaly aýyldyq okrýgi aýmaǵynda boldy.
«Uıaly aýylynan 5 shaqyrym jerde 5 gektar aýmaqta qurǵaq shóp órtendi. Janý saǵat 16.20-da aýyzdyqtaldy. Órtti sóndirýge 25 adam, 6 tehnıka jumyldyryldy. Qazirgi kezde oqıǵanyń sebep-saldary anyqtalý ústinde. Bıyl jyl basynan beri 1 orman, 1 dala órti tirkeldi, biraq orman órtengen joq», - dep habarlady vedomstvodan.
Uıaly aýyldyq okrýginiń ákimi Erlan Ermekqalıev oqıǵanyń basy-qasynda bolǵanyn jetkizdi. Turǵyndardyń sózine qaraǵanda, kópten beri jańbyr jaýmaǵandyqtan, shóptiń shyǵymy da oıdaǵydaı emes, qýańshylyq bolýy da yqtımal.
Eske sala keteıik, budan buryn Oralda eki qabatty meıramhananyń shatyry janǵanyn jazǵan bolatynbyz.