Batys Qazaqstanda beımálim aýrýdan usaq mal qyrylyp qaldy

<p>ORAL. KAZINFORM — AShM veterınarııalyq baqylaý jáne qadaǵalaý komıtetiniń aýmaqtyq departamenti áleýmettik jelilerde maldyń jappaı aýrýǵa shaldyǵýy jáne qyrylýy týraly jarııalanymdardy tekserip jatyr. </p>

Jelidegi jazba avtory munyń sebebin juqpaly aýrýdyń órshýi dep boljaıdy.

Sondaı-aq, onyń aıtýynsha, jergilikti halyq uzaqqa sozylǵan jańbyrdan usaq mal álsirep ketkenin aıtqan.

Anyqtalǵandaı, 24 shilde kúni tańǵy saǵat 6:00–den bastap Qaztalov aýylynda qatty jańbyr jaýǵan.

Shopan jaıylymnan qoıyn aýylǵa aıdaı almaı, Qaztalov aýyl okrýgindegi Myshym qystaýyna tastap ketken.

Saldarynan 25 shildege qaraǵan túni 38 bas qoı-eshki qyryldy.

«Sol kúni veterınarlyq qyzmet mamandary ólekselerdi mal qorymyna shyǵardy. Asa qaýipti aýrýlardy boldyrmaý úshin ólgen 2 bas qoı men 1 eshkiden patologııalyq materıaldar iriktep alynyp, veterınarııalyq baqylaý jáne qadaǵalaý komıtetiniń oblystyq zerthanasyna jiberildi» deıdi AShM baspasóz qyzmetinen.

Nátıjesi 5 tamyzda daıyn bolady.

Epızootııalyq jaǵdaı osy aýmaqtyń veterınarlyq qyzmetiniń baqylaýynda.