Batys Qazaqstanda aýa raıynyń nasharlaýyna baılanysty respýblıkalyq jol jabyldy

<p>Batys Qazaqstan oblysynda aýa raıynyń nasharlaýyna baılanysty respýblıkalyq jol jabyldy, dep habarlaıdy<a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener"> Kazinform</a>.</p>

«QazAvtoJol» UK» AQ BQO fılıalynyń málimeti boıynsha 10 qańtar kúni saǵat 17.00-den bastap respýblıkalyq mańyzy bar Oral-Atyraý joly (Oral qalasynan Aqjaıyq aýdanyna deıin, 492-375 km) júk jáne qoǵamdyq kólikter úshin jabyldy.

Jabylý sebebi – joldyń nashar kórinýi, jel.

Osyǵan baılanysty BQO TJ departamenti oblys turǵyndaryna saq bolý kerektigin eskertedi.

«Qazgıdromet» RMK-nyń málimetine sáıkes 11 qańtarda oblystyń batysy men ońtústik-batysynda tuman túsýi yqtımal. Sondaı-aq kúndiz keı jerlerde kóktaıǵaq bolyp, burqasyn kóterilýi múmkin. Jeldiń ekpini sekýndyna 15-20 metrge jetedi.

Eske sala keteıik, budan buryn Batys Qazaqstanda jantúrshigerlik jol apatynan 5 adamnyń kóz jumǵanyn jazǵan bolatynbyz.

Sondaı-aq BQO-da 5 adam qaza tapqan jol apatyna tap bolǵan kishkentaı sábıdiń jaǵdaıy aýyr.