Batys Qazaqstanda aýa raıynyń nasharlaýyna baılanysty 7 jol ýchaskesi jabyldy

<p>ORAL. KAZINFORM &ndash; Batys Qazaqstan oblysy aýmaǵynda aýa raıynyń nasharlaýyna baılanysty 7 jol ýchaskesinde kólik qozǵalysy shekteldi.</p>

BQO TJ departamenti baspasóz qyzmetinen málim etkenindeı, sonyń altaýy – respýblıkalyq, bireýi – oblystyq mańyzy bar jol.

«Atap aıtqanda, respýblıkalyq mańyzy bar Samara-Shymkent (195-246 km, RF shekarasy – Oral qalasy, MAI beketi), Samara-Shymkent (266-392 km, Podstepnyı – Jympıty), Samara-Shymkent (392-526 km, Jympıty – Aqtóbe oblysynyń shekarasy), Chapaev-Jalpaqtal-Kaztalov (0-201 km, Chapaev – Kaztalov), Kaztalov-Jánibek-RF shekarasy (0-158 km, Kaztalov – Jánibek), Atyraý-Oral (189-492 km, Atyraý oblysy shekarasy – Oral qalasy) jáne oblystyq Chapaev-Jańaqala-Saıqyn (0-130 km, Chapaev – Jańaqala) joly jabyq. Joldyń jabylý sebebi – jańbyrdyń saldarynan kóktaıǵaq, keı jerlerde kúshti jel, boran», dep habarlady vedomstvodan.

Qazirgi kezde Oral qalasynda jańbyr jaýyp, kóktaıǵaq bolyp tur.