ORAL. KAZINFORM — Batys Qazaqstan oblysy Jańaqala aýdanynda 9-synyp oqýshysy asylyp ólgen.
Aıbolat Bókenovtiń Feısbýk áleýmettik jelisinde jazǵanyndaı, oqıǵa bıylǵy mamyr aıynda Másteksaı aýylynda bolǵan. Anasy men aýyl turǵyndarynyń sózine qaraǵanda, mektepten shyǵyp, asylyp ólgen qyzdyń deregi boıynsha eshkim jazasyn almaı, jabýly qazan jabýly kúıinde qalǵan.
BQO polıtsııa departamentiniń baspasóz qyzmetinen málim etkenindeı, jasóspirimniń sýıtsıd deregi boıynsha Jańaqala aýdany polıtsııa bólimi sotqa deıingi tergeý amaldaryn júrgizgen.
«Tergeý barysynda oqıǵanyń barlyq mán-jaıy zerttelip, tekserildi. Sonyń qorytyndysyna sáıkes qylmys quramy bolmaýyna baılanysty sotqa deıingi tergeý óndirisi toqtatyldy», - dep habarlady vedomstvodan.
Eske sala keteıik, budan buryn nesıeni tóleý kezinde qıyndyqqa tap bolǵan BQO turǵynynyń ózin ólgender tiziminen tapqanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).