Batys Qazaqstanda 660-tan astam abonent jaryqsyz qalyp otyr, dep habarlaıdy Kazinform.
BQO energetıka jáne turǵyn úı-kommýnaldyq sharýashylyq basqarmasynan málim etkenindeı, 25 qarasha kúngi jergilikti saǵat 16.00-degi málimet boıynsha Oral qalasynda, sondaı-aq Aqjaıyq, Tasqala, Kaztalov, Jańaqala, Syrym jáne Báıterek aýdandarynda jaryqsyz otyrǵan turǵyndar bar.
Bulardyń eń kóbi Jańaqala (271 abonent) jáne Báıterek aýdanynda (204 abonent).
«Qazirgi kezde qalpyna keltirý jumystaryna 84 qyzmetker 21 arnaıy tehnıkamen jumyldyrylǵan», - dep habarlady vedomstvodan.
Eske sala keteıik, budan buryn Oral qalasynda saıajaı turǵyndary eki kún boıy jaryqsyz qalǵanyn jazǵan bolatynbyz.
Sondaı-aq Oralda aýa raıyna baılanysty áýe kemeleri keıinge shegerildi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).