Batys Qazaqstanda 55 aýyldy jaryqsyz qaldyrǵan elektr jelileri jóndelip jatyr

<p>ORAL. KAZINFORM &ndash; Batys Qazaqstan oblysynda 6-7 aqpanda kúshti jelge jáne symdarda muz ben qar jamylǵysynyń paıda bolýyna baılanysty Bórli, Shyńǵyrlaý, Terekti, Aqjaıyq, Qaratóbe aýdandary men ishinara Oral qalasynda elektr qýaty úzildi.</p>

BQO ákimdiginiń baspasóz qyzmetinen málim etkendeı, elektrmen jabdyqtaýdy qalpyna keltirý jumystaryn júrgizý úshin 39 apattyq brıgada men 49 arnaıy tehnıka jumyldyryldy.

«7 aqpan saǵat 15.00-degi málimet boıynsha oblystyń jáne Oral qalasynyń ajyratylǵan aýdandary boıynsha elektr berý jelileriniń kerneýi qalpyna keltirildi. Sonymen qatar áýe jelileriniń ishinara ajyraýyna baılanysty abonentterdiń kóptegen jeke ótinimderi bar. Bórli aýdanynda abonentterdiń 75 paıyzyn elektrmen qamtý qamtamasyz etildi. Shyńǵyrlaý aýdanynyń Aqshat pen Aqbulaq jáne Qaratóbeniń Egindikól, Qoskól aýyldarynda elektrmen jabdyqtaý boıynsha jumystar júrgizilýde. Avarııalyq-qalpyna keltirý jumystary qolaısyz aýa raıy jáne kólikke qoljetimdiliktiń shektelýimen kúrdelene tústi. Jóndeý-qalpyna keltirý jumystaryn búgingi kúnniń sońyna deıin aıaqtaý josparlanyp otyr» dep habarlady vedomstvodan.

Eske sala keteıik, budan buryn Batys Qazaqstanda onnan astam aýyldyń jaryqsyz qalǵanyn jazǵan bolatynbyz.

Elimizdiń batys oblystarynda boran uıytqyp tur. 

BQO-da kúshti jel 55 aýyldy jaryqsyz qaldyryp, birneshe ǵımarattyń shatyryn julyp áketti.