Batys Qazaqstanda 4800-den astam kıik aýlanyp, atyldy

<p>Batys Qazaqstan oblysynda kıik sanyn retteý jumystary jalǵasyp jatyr, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

BQO orman sharýashylyǵy jáne janýarlar dúnıesin qorǵaý aýmaqtyq ınspektsııasynyń basshysy Nurlan Rahymjanovtyń málim etkenindeı, kúni búgin 4 843 kıik aýlanyp, atyldy.

«Sonyń ishinde 1 836-sy koral ádisimen ustalyp, soıylsa, 3 007-si atyldy. Bastapqyda koral ádisimen qamap ustaý ǵana kózdelgenimen, bul qıynǵa tústi. Sodan keıin mınıstrlik tarapynan kıikti atýǵa ruqsat berildi. Kıikterdi túnde qýmaı, jaryq túsirip, atady. Soıylǵannan keıin ishek-qarny topyraqpen kómiledi. Qazirgi kezde kıik etin 5 kásiporyn qabyldap jatyr», - dedi N.Rahymjanov.

Inspektsııa basshysynyń sózine qaraǵanda, kıik sanyn retteý jumystary osy aıdyń aıaǵyna deıin júrgiziledi. Barlyǵy 226 myń kıikti aýlaý, atý josparlanǵan. Bul jumystardy aýdandarda «Ohotzooprom» ÓB» RMQK Batys Qazaqstan óńirlik fılıalymen kelisimshartqa otyrǵan jergilikti kásipkerler atqaryp jatyr.

«Múıizderdi «Ohotzooprom» mekemesiniń ınspektorlary kesip alyp, sanap, shtrıh-kodtap saqtaýǵa alyp jatyr. Kıik múıizderi 2025 jylǵa deıin saqtalady», - dedi N.Rahymjanov.

Eske sala keteıik, budan buryn Batys Qazaqstanda kıik etteri tórt kombınatqa jóneltilip jatqanyn jazǵan bolatynbyz.