Batys Qazaqstanda 230-dan astam túlek «Altyn belgiden» úmitker bolyp otyr

<p>ORAL. KAZINFORM &ndash; Batys Qazaqstan oblysynda 376 mektepte 122 myńnan astam oqýshy bilim alsa, bıyl sonyń 10 450-y 9-synypty bitirip, 6 411-i altyn uıadan túlep ushady.</p>

BQO bilim basqarmasynyń basshysy Aıgúl Myńbaevanyń óńirlik kommýnıkatsııalar qyzmeti alańynda ótken brıfıngte málim etkenindeı, 233 oqýshy «Altyn belgiden», 328 túlek «Úzdik attestattan» úmitker. 

Aıgúl Ádilgereıqyzynyń sózine qaraǵanda, mektep bitirýshiler úshin oqý jylynyń aıaqtalýyna arnalǵan «Mektebim, saǵan myń alǵys!» is-sharasy 25 mamyr kúni ótedi.

«Mektepterdiń barlyq 9, 11-synyp túlekteri qorytyndy jáne memlekettik attestattaýdan ótedi. 9-synyp bitirýshileri úshin qorytyndy emtıhandar 29 mamyr men 10 maýsym, al 11-synyp bitirýshileri úshin memlekettik emtıhandar 28 mamyr men 11 maýsym aralyǵynda bolady. 9-synyptarda 4 pánnen emtıhan tapsyrady: oqytý tili (qazaq/orys tili), matematıka (algebra), qazaq tili men ádebıeti/orys tili men ádebıeti,tańdaý páni. 11-synyptarda 5 pánnen emtıhan tapsyrady:oqytý tili (qazaq/orys/ tili), algebra jáne analız bastamalary, Qazaqstan tarıhy, qazaq tili men ádebıeti/orys tili men ádebıeti,tańdaý páni. Bıyl alǵash ret 5-8, 10-synyp oqýshylary úshin «Qazaq tili», «Qazaq tili men ádebıeti» páninen emtıhan ótkiziledi», - deıdi A.Myńbaeva. 

Basqarma basshysynyń aıtýynsha, túlekterge attestattardy tabystaý rásimi «Jolyń bolsyn, jas túlek!» taqyrybynda 14 maýsym kúni ótedi. 

«Ulttyq biryńǵaı testileýge qatysý úshin oqýshylar 6-20 mamyr aralyǵynda tirkeldi. UBT 25 mamyr - 12 shilde aralyǵynda ótedi. 

6 411 mektep bitirýshiniń 5 627-si Ulttyq biryńǵaı testileýge qatysýǵa nıet bildirip otyr. Batys Qazaqstan oblysy boıynsha Ulttyq biryńǵaı testileý «U Study» ortalyǵynyń 2 pýnktinde (Oral qalasy, A.Qusaıynov kóshesi 131/1a jáne Aqsaı qalasy, Jastar kóshesi, 29 ) ótedi»,- dedi A.Myńbaeva.

Eske sala keteıik, budan buryn BQO-da neshe mektep jańadan salynyp jatqanyn jazǵan bolatynbyz.