Batys Qazaqstanda 2 avtokólik soqtyǵysyp, 4 adam kóz jumdy

<p class="MsoNormal" style="text-align: justify;"><span style="font-size: 18.0pt; line-height: 107%; font-family: 'Times New Roman',serif;">Batys Qazaqstan oblysynda 4 adam jol apatynan kóz jumdy, dep habarlaıdy<a href="https://kaz.inform.kz/news/aziya-kenes-bas-hatshisi-smk-beyresmi-otirisi-turali-malmdeme-zhasadi-6a87c7/" target="_blank" rel="noopener"> QazAqparat</a> tilshisi.</span></p>

BQO polıtsııa departamentiniń baspasóz qyzmetinen málim etkendeı, oqıǵa 22 qyrkúıek kúni Báıterek aýdany aýmaǵynda bolǵan.

«Saǵat 12.00-de Oral-Kırsanov tas joly boıynda «VAZ-2112» jáne «Lada Granta» avtokólikteri betpe-bet soqtyǵysty. Saldarynan qos avtokólik júrgizýshisi men «Lada Grantada» otyrǵan 2 jolaýshy alǵan jaraqatynan oqıǵa ornynda mert boldy. Sondaı-aq «Lada Granta» kóliginiń taǵy bir jolaýshysy aýrýhanaǵa jatqyzyldy. Qazir oqıǵanyń mán-jaıy anyqtalyp jatyr. Atalǵan derek boıynsha QR QK 345-baby 4-bóligine (kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) sáıkes sotqa deıingi tergeý amaldary júrgizilip jatyr», - dep habarlady vedomstvodan.