Batys Qazaqstan oblysynyń ákimi sadaq atý básekesin bastap berdi

<p>Elimizde atalyp ótip jatqan Naýryznama on kúndigine sáıkes, 20 naýryz &ndash; Ulttyq sport kúni.</p>

Bul kúni Batys Qazaqstan oblysynda «Ulttyq sport» kúnine arnalǵan sadaq atý jáne sýdaryspaq sporty boıynsha qala turǵyndary men áýesqoılar arasynda jarys ótti.

Іs-sharaǵa Batys Qazaqstan oblysynyń ákimi Narıman Tóreǵalıev qatysyp, jınalǵandardy Naýryz merekesimen quttyqtady.

Foto: BQO ákimdigi

«Memleket basshysynyń bastamasymen bıyl elimizde Naýryz merekesi Naýryznama ataýymen jańa formatta toılanýda. Naýryznamanyń ár kúni ulttyq qundylyqtarymyzdy nasıhattaýǵa baǵyttalǵan. Búgin mine Ulttyq sport kúni. Bul kúni ulttyq sport túrlerinen ótetin saıysta bas qosyp otyrmyz.

Oblysymyzda ótip jatqan saıystardyń maqsaty– ata- babalarymyzdan jetken, ultymyzdyń qaıtalanbas ereksheligin kórsetetin ulttyq sport túrlerin keńinen nasıhattap, keıingi urpaqqa jetkizý», - dedi oblys ákimi.

Budan keıin óńir basshysy jınalǵandar aldynda sadaq atýdy bastap berdi.

Sadaq atý jáne aýdaryspaq sporty boıynsha ótken básekege jastar jáne qala turǵyndary qatysty.

Foto: BQO ákimdigi

Jalpy, Naýryz qarsańynda Ulttyq sport kúni Batys Qazaqstan oblysynda keńinen atalyp ótti.