BQO-da jyl saıyn 20 tonnaǵa deıin qııar ósiretin jylyjaı jumys istep tur
Oblys ákimi aýdandaǵy sharýa qojalyqtarynyń birinde 1000 bas malǵa arnalǵan bordaqylaý alańynyń qurylysymen tanysty. Sondaı-aq Narıman Tóreǵalıev Han Ordasy aýylyndaǵy joldardyń jóndeý jumystaryn tekserdi.
Óńir basshysy merdigerge jumystardy jiti baqylaýǵa alyp, sapaly jáne ýaqytyly merzimde oryndaýdy tapsyrdy.
Sonymen qatar, oblys ákimi «Aýyl amanaty» jobasy aıasynda ashylǵan jylyjaı keshenine bardy. Jylyjaı ıesi, kásipker B. Tańatarov óz isin 2020 jyly bastaǵan. «Bıznestiń jol kartasy-2025» baǵdarlamasy aıasynda 2,8 mln teńge somasyna nesıe alǵan. 2024 jyly «Aýyl amanaty» baǵdarlamasynyń jáne 7,1 mln teńgeniń qosymsha nesıesiniń kómegimen jylyjaıdy keńeıtý jobasyn júzege asyrdy. Jylyjaı jyl saıyn 20 tonnaǵa deıin qııar ósiredi, osylaısha kásipker óńirdiń agrarlyq sektorynyń damýyna úles qosýda.
Sapar barysynda óńir basshysy Bókeı ordasy aýdanynyń halqymen kezdesip, atqarylǵan jumystar týraly jáne aldaǵy jyldary Batys Qazaqstan oblysyn odan ári damytý josparlaryn aıtty.
Narıman Tóreǵalıev Memleket basshysynyń óńirdi damytý máselelerine qatysty barlyq tapsyrmalary erekshe baqylaýda ekenin atap ótti.
«Aýyldy damytý jáne azamattarymyzdyń ómir súrý jaǵdaılaryn jaqsartý-bizdiń aldymyzda turǵan basty mindetterdiń biri. Jańa jumys oryndaryn qurý jáne ınfraqurylymdy jaqsartý ǵana emes, sonymen qatar aımaqtyń barlyq turǵyndary úshin sapaly qyzmetterge qol jetimdilikti qamtamasyz etý mańyzdy. Biz óńir turǵyndarynyń ál-aýqatyn atttyrý baǵytynda jumys isteýdi jalǵastyramyz», — dep atap ótti óńir basshysy.