Batys Qazaqstan oblysynda jer silkinisi aımaǵyna qansha eldi meken kiredi

<p>ORAL. KAZINFORM &ndash; &nbsp;&laquo;Seısmıkalyq aımaqtarda qurylys&raquo; QR erejeler jınaǵyna sáıkes Batys Qazaqstan oblysynyń aýmaǵynda qarqyndylyǵy 5-6 ball bolatyn jer silkinisi aımaǵyna 9 eldi meken kiredi.&nbsp;</p>

BQO TJD azamattyq qorǵanys basqarmasynyń bastyǵy Temirjan Tanjanovtyń óńirlik kommýnıkatsııalar qyzmeti alańynda ótken brıfıngide málim etkenindeı, óńirde mundaı aımaqqa Oral qalasy, Jańaqala, Kaztalov, Bókeı ordasy, Tasqala, Terekti, Aqjaıyq, Shyńǵyrlaý jáne Báıterek aýdany engizilgen.

Onyń sózine qaraǵanda, oblys aýmaǵynda keıingi jer silkisi 2008 jyly 26 sáýirde Terekti aýdanynyń Rybtseh, Shalqar, Ersary jáne Saryómir eldi mekenderinde bolǵan.

«1 naýryz – Dúnıejúzilik azamattyq qorǵanys kúnine oraı oblysta is-sharalar bekitildi. Sonyń biri – óńir turǵyndaryn tótenshe jaǵdaılarda is-qımyl jasaý daǵdylaryna úıretý, avarııalyq-qutqarý jumystary men kezek kúttirmeıtin jumystardy júrgizý maqsatynda 23 aqpan kúni saǵat 11.00-de seısmıkalyq jattyǵý josparlanyp otyr. Batys Qazaqstan oblysy qaýipti jer silkinisine beıim emes. Degenmen turǵyndar jer silkinisi bola qalǵan jaǵdaıda ne isteý kerektigin bilgeni jón», - dedi T.Tanjanov.