ORAL. KAZINFORM — Batys Qazaqstan oblysynda ótken jylǵy 1 qazannan beri 62 885 adamnyń jedel respıratorlyq vırýstyq ınfektsııamen syrqattanǵany belgili boldy.
BQO sanıtarııalyq-epıdemıologııalyq baqylaý departamentiniń baspasóz qyzmetinen málim etkenindeı, bul 2024-2025 jylǵy epıdemıologııalyq kezeńmen (77 928) salystyrǵanda, 19,6 paıyzǵa kem.
Aýyrǵandardyń 44 920-sy – 14 jasqa deıingi balalar. 785-i – 1 jasqa deıingi sábıler. 136-sy – júkti áıelder.
Departament derekterine qaraǵanda, 1 qazannan beri 189 adam tumaýǵa shaldyqsa, sonyń 188-inen A tıpiniń H3N2 vırýsy (gonkong tumaýy) anyqtalǵan. Sonymen qatar jýyrda 1 adamnyń A tıpiniń H1N1 túrin (shoshqa tumaýy) juqtyrǵany tirkeldi. Aýrýshańdylyq 2,8 esege ósip otyr.
Solardyń ishinde basym kópshiligi nemese 135-i – 14 jasqa deıingiler, 16-sy – júkti áıelder.
BQO sanıtarııalyq-epıdemıologııalyq baqylaý departamenti tumaýǵa qarsy árbir adam úshin, ásirese, balalar men júkti áıelder úshin vaktsına alýdyń mańyzdylyǵyn eske salady.
Eske sala keteıik, budan buryn BQO-da gonkong tumaýymen aýyrǵandar sany 3,5 esege óskenin jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).