Batys Qazaqstan oblysynda kezekte turǵan taǵy 12 aýyl turǵyny baspanaly boldy
15:45, 09 Qazan 2024
<p>ORAL. KAZINFORM – Batys Qazaqstan oblysy Jańaqala aýdanynda turǵyn úı kezeginde turǵan 12 aýyl turǵyny baspanaly boldy.</p>
Turǵyndarǵa jańa úılerdiń kiltterin oblys ákimi Narıman Tóreǵalıev tabystady.
Jańaqala aýdanyń turǵyny, kópbalaly ana Marjan Shamelova birneshe jyl boıy úı kezeginde turǵan.
«Kópten kútken úıimizge qol jetkizdik. Jańa, keń, jaryq baspanaǵa bala-shaǵamyzben kirip, qýanyp otyrmyz. Aýylymyzdyń da sáni kirip, jańa úıler salynyp jatyr. Memleket basshysyna qarapaıym aýyl turǵyndaryna kórsetip jatqan qoldaýy úshin alǵysymyzdy bildiremiz» - dedi ol.
Bıyl Batys Qazaqstan oblysynyń 50-den astam aýyldarynda turǵyn úı kezeginde turǵan azamattarǵa 758 úı salynýda. Osy úılerdiń úıdiń 400-ge jýyǵy tabystaldy. Qalǵany jyl sońyna deıin beriledi.