Batys Qazaqstan oblysynda alǵashqy qar jol qatynasyn qıyndatty

<p>Batys Qazaqstan oblysynda alǵashqy qar jaýyp, kólik qatynasy qıyndady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Turǵyndar 26 qazan kúni Jańaqala, Jánibek, Kaztalov aýdandaryna jaýǵan qardyń foto, vıdeolaryn áleýmettik jelige júktep jatyr. Olarǵa súıensek, Jánibek aýdany Jaqsybaı aýylynda tipti, boran soqqan.

 

Sol sekildi Jańaqala aýdanynda qar aralas jańbyr jaýyp, arty kóktaıǵaqqa aınalǵan. Polıtseıler alys jolǵa shyqpaýǵa keńes berip, vıdeo jarııalady.

 

BQO Polıtsııa departamentiniń baspasóz qyzmeti Aqjaıyq aýdanynda da qar jaýyp turǵanyn málim etti. Degenmen, barlyq jol ashyq, jol-kólik oqıǵalary tirkelmegen.

Oblystyq Tótenshe jaǵdaılar departamentiniń habarlaýynsha, 27 qazanda óńirdiń batysy men ońtústiginde qatty jaýyn-shashyn (jańbyr, qar) kútiledi. Jeldiń ekpini keı jerlerde sekýndyna 15-20 metrge jetedi. Oral qalasynda tuman, kóktaıǵaq bolýy yqtımal.

Turǵyndar arasynda tótenshe jaǵdaılarǵa jol bermeý, ómirlik mańyzy bar nysandar men elektr jáne baılanys júıeleriniń úzdiksiz jumysyn qamtamasyz etý baǵytynda tıisti sharalar qolǵa alynyp jatyr.