Batys Qazaqstan oblysynda 430-dan astam úıge sý kirgen

<p>ORAL. KAZINFORM &ndash; Batys Qazaqstan oblysynda qardyń kúrt erip, jaýyn-shashynnyń kóp túsýinen 432 turǵyn úıdiń ishine sý kirgen.&nbsp;</p>

BQO TJ departamentiniń baspasóz qyzmetinen málim etkenindeı, ásirese, Syrym jáne Qaratóbe aýdandarynda jaǵdaı kúrdeli. 

Syrym aýdanynda Óleńti ózeniniń tasýynan Óleńti, Jympıty, Buldyrty aýyldarynda turǵyn úılerdi sý basty. Sonymen qatar 5 eldi mekende elektr jelisinde bolǵan avarııalyq ajyratý saldarynan uıaly baılanys ta bolmady. Qazirgi ýaqytta qalpyna keltirý jumystary júrgizilýde. 

Atalǵan úsh aýylda úıin sý basqandar týǵan-týystarynyń úıine ornalasty. Jaǵdaıdy turaqtandyrý maqsatynda Almaty qalasynan 50 áskerı kelip, sýdy tejeý jáne adamdardy qaýipsiz jerge kóshirý úshin jumyldyryldy. 

«Qaratóbe aýdanynda Jaqsybaı ózeni jaǵadan shyǵyp, Qorjyn aýylynyń turǵyn úılerin sý basqany belgili. Bastapqyda turǵyndar aýyldaǵy mektepke ornalastyrylǵan bolatyn. Qazirgi kezde Aqtóbeden kelgen 2 tikushaqpen sý qorshaýynda qalǵan Qorjyn aýylynan adamdar qaýipsiz jerge oqshaýlandyrylyp jatyr», - dep habarlady vedomstvodan. 

«AMANAT» partııasy BQO fılıalynyń baspasóz qyzmeti «Jastar rýhy» eriktileriniń Qaratóbe aýdany Qorjyn aýyly turǵyndaryna azyq-túlikpen shyǵatynyn, sondaı-aq oblystyq jáne qalalyq máslıhat depýtattary materıaldyq kómek uıymdastyryp jatqanyn jetkizdi. Oblystyq, aýdandyq fılıal ókilderi bir kúndik jalaqylaryn aýdarýda.

Eske sala keteıik, budan buryn BQO-nyń taǵy bir aýdanynda úıler sý astynda qalǵanyn jazǵan bolatynbyz.