Batys Qazaqstan oblysynda 350-ge jýyq adam evakýatsııalandy

<p>ORAL. KAZINFORM &mdash; Batys Qazaqstan oblysynda eki aýylda 349 adam evakýatsııalandy. BQO TJ departamentiniń baspasóz qyzmetinen málim etkenindeı, Terekti aýdany Ańqaty aýylynda úılerin sý basqan 68 turǵyn mektep-ınternat ǵımaratyna kóshirildi.</p>

Sondaı-aq Qaratóbe aýdany Qorjyn aýylynda 281 adam mektepke evakýatsııalandy. 

Foto: BQO TJD

«Qazirgi ýaqytta sý tasqynynyń aldyn alý jumystaryna TJ departamentinen jáne jergilikti atqarýshy organdardan 659 adam, 208 tehnıka jáne 123 motopompa tartylǵan. Oblys boıynsha 25 naýryzdan beri 214 myń tekshe metr qar sýy sorylyp, tasqyn sýdy bógeý úshin ınertti materıaldarmen 12 065 qap salyndy. Qardyń qarqyndy erip, jaýyn-shashynnyń mol túsýi jáne kárizdegi aǵyndy sýlardyń saldarynan óńirde barlyǵy 160 turǵyn úıge, 5 kópqabatty turǵyn úıdiń, 17 áleýmettik nysannyń jertólelerine sý kirdi», dep habarlady vedomstvodan.

Eske sala keteıik, budan buryn Batys Qazaqstan oblysy Qorjyn aýylynda úıler sý astynda qalǵanyn jazǵan bolatynbyz.

Sondaı-aq Oral qalasynda tótenshe jaǵdaı jarııalandy.