Batys Qazaqstan oblysynda 245 muǵalim jetispeıdi
BQO bilim basqarmasynyń basshysy Eldos Safýllınniń málim etkenindeı, sonyń ishinde 12 828-iniń joǵary, 1 682-siniń orta kásiptik bilimi bar, 648-i – magıstr.
Onyń sózine qaraǵanda, 10 566 pedagog jańa format boıynsha sanatqa qol jetkizgen.
«Batys Qazaqstan oblysynda 245 pedagog jetispeıdi, sonyń ishinde qazaq mektebinde orys tili men ádebıeti, matematıka, bastaýysh synyp jáne orys tili, aǵylshyn tili pániniń muǵalimi, pedagog-psıholog, logoped, defektologtar kerek. Qajettilik jas mamandardy tartýmen jáne júktemeni ulǵaıtý arqyly jabylady dep josparlanýda», deıdi E.Safýllın.
Basqarma basshysynyń aıtýynsha, óńirdiń joǵary bilimdi kadrlarǵa qajettiligin eskere otyryp, jergilikti qarajat esebinen bilim berý granttary taǵaıyndalady. Bıyl 94 bilim granty (2023 jyly – 86) bólinse, sonyń 15-i (ótken jyly – 22) pedagogıkalyq mamandyqtarǵa berildi.
«Sonymen qatar oblysta bilim berý uıymdarynda 71 basshynyń (balabaqsha – 32, mektep – 25, qosymsha bilim berý – 14) orny bos tur. «1000 basshy» jobasymen 24 adam kadrlyq rezervte qoıylsa, qazirgi tańda sonyń 9-y jumysqa kiristi. Beseýi taǵaıyndalady. 10-y bas tartty», deıdi E.Safýllın.
Basqarma málimeti boıynsha aldaǵy oqý jylynda jalpy bilim beretin 374 mektep jumys jasap, olarda 125 myńnan astam oqýshy bilim alady dep kózdelýde. Bıyl 1-synypqa 10 054 oqýshy qabyldansa, sonyń 7 523-i nemese 74,8 paıyzy qazaq, 2 531-i (25,2 paıyzy) orys tilinde dáris almaq. Bilim alýshylar sanynyń azaıýyna baılanysty 35 mektepte oqýshylar sanyn bekitilgen normatıvke sáıkestendirý qajet.
Eske sala keteıik, budan buryn Batys Qazaqstanda 230-dan astam túlektiń «Altyn belgiden» úmitker bolyp otyrǵanyn jazǵan edik.