Batys Qazaqstan oblysynda 100 mlrd teńgege 500 shaqyrym jol jóndeledi

<p>ORAL. KAZINFORM &ndash; Batys Qazaqstan oblysynda bıyl 100 mlrd astam teńge qarajatqa 500 km astam joldy jóndeý kózdelip otyr.&nbsp;</p>

Batys Qazaqstan oblysynyń ákimi Narıman Tóreǵalıevtiń málim etkenindeı, sonyń 277,5 shaqyrymy (33,7 mlrd teńge) – jergilikti joldar. 

Onyń sózine qaraǵanda, nátıjesinde jyl sońynda jergilikti avtomobıl joldarynyń normatıvtik jaǵdaıdaǵy úlesi 58 paıyzǵa jetetin bolady. 

«Osy oraıda sońǵy jyldary halyq jıi aıtyp júrgen shalǵaıdaǵy Bókeı ordasy jáne Jánibek aýdandaryn oblys ortalyǵymen baılanystyratyn joldy bıyl tolyq bitirmekshimiz. Aldyńǵy jyldary aıaqtalmaı qalǵan 120 shaqyrym joldyń 104-i 2023 jyly máresine jetti. Bıyl qalǵan 16 shaqyrymǵa asfaltbeton tóseledi. Sondaı-aq Bókeı ordasy aýdanynyń tarıhı Han ordasy aýylyna kireberis joldy (21 km) jóndep, bıyl aıaqtaıtyn bolamyz. Qazirgi tańda merdigerdi anyqtaý boıynsha jumystar júrgizilýde. Oblystaǵy basqa baǵyttardaǵy joldar da baqylaýymyzda bolady», - dedi óńir basshysy.

Aıta keteıik, 2023 jyly 82 mlrd teńgege 562 shaqyrym jol jóndeldi. Sonyń nátıjesinde avtomobıl joldarynyń sapasy 46-dan 52 paıyzǵa ósti.