ORAL. KAZINFORM — Batys Qazaqstan oblysy Bókeı ordasy aýdanynda 1 myńnan astam kıik qyrylyp qaldy.
Bókeı ordasy aýdanynyń ákimi Nurlybek Daýmovtyń aıtýynsha, oqıǵa 12 sáýir kúni keshkisin Muratsaı aýyldyq okrýginde boldy.
Aýyl mańyndaǵy Muratsaı sý qoımasynan 1 myńnan astam kıiktiń óleksesi tabyldy.
«Sáýir aıynda osy Muratsaı aýylynyń tusymen kıikter Jánibek aýdanyna qaraı tóldeý úshin ótedi. Álsiz boldy ma, álde birin-biri tapap óltirdi me, sebebi belgisiz. Qazirgi kezde «Ohotzooprom» mekemesi, «Bókeıordasy» tabıǵı rezervaty, aýdan jáne aýyl ákimdigi qyzmetkerleri, veterınar mamandar sýdan ólekselerdi shyǵaryp, shuńqyrǵa kómý jumystaryn júrgizbekshi. Jáńgir han atyndaǵy Batys Qazaqstan agrarlyq-tehnıkalyq ýnıversıtetinen ǵalymdar kelmekshi. Aýdandyq sanıtarlyq-epıdemıologııalyq basqarma qyzmetkerleri sýdan synama aldy. Jaǵdaı baqylaýda. Oqıǵanyń jaı-japsary anyqtalý ústinde», dedi Kazinform tilshisine N.Daýmov.
Foto: Bókeı ordasy aýdany ákimdiginen
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).