Batys Qazaqstan oblysy suıytylǵan gazǵa degen qajettiligin jaba bastady
Narıman Tóreǵalıevtiń málim etkenindeı, Memleket basshysynyń tapsyrmasy aıasynda osydan bir aı buryn Batys Qazaqstan oblysynda Úkimet basshysynyń qatysýymen «Rojkovskoe» gaz ken orny iske qosylǵan bolatyn.
«Atalǵan is-shara barysynda BAQ ókilderine suhbat bergenimde, jańa ken orny oblysymyzdyń suıytylǵan gazǵa degen suranysyn jabatynyn aıtqan edim. Endi, mine, araǵa týra bir aı salyp ken ornynan óndirilgen 1 100 tonna suıytylǵan gaz oblys qajettiligine bólindi. Aı saıyn osyndaı kólemde óńirge cuıytylǵan gaz jetkizilip turatyn bolady. 2024 jyldyń sońyna deıin ken ornynda 4 uńǵymany paıdalanýǵa berý josparda bar. Osylaısha, óndiris qýatyn arttyryp, burynǵydaı suıytylǵan gazdy basqa oblystardan ákelýden arylamyz. Bul – birlesken eńbektiń nátıjesi. Óndiris ornynda eńbek etip júrgen gaz salasynyń barlyq qyzmetkerine rızashylyǵymdy bildiremin», - dep jazdy BQO ákimi.
Eske sala keteıik, budan buryn «Rojkovskoe» gaz kondensaty ken orny paıdalanýǵa berilgenin jazǵan bolatynbyz.