Batyr Júkembaev álemniń eks-chempıonymen aıqas aldynda salmaq ólsheý rásimin ótkizdi

<p>AQSh-tyń Florıda shtatyndaǵy Plant-Sıtı qalasynda negizgi jekpe-jegi qazaqstandyq boksshy Batyr Júkembaev (21-1, 16 KO) pen frantsýz Mohamed Mımýn (23-5, 4 KO) arasynda ótetin boks keshiniń salmaq ólsheý rásimi ótti. <a href="Kazinform" target="_blank" rel="noopener">Kazinform </a>bul týraly <a href="https://www.sports.kz/news/batyir-djukembaev-proshel-vzveshivanie-pered-boem-seks-chempionom-mira" target="_blank" rel="noopener">Sports.kz</a>-ke silteme jasap habarlaıdy.</p>

Jekpe-jek aldynda eki boksshynyń da salmaǵy birinshi jartylaı orta salmaq shekteýi – 63,5 keli/140 fýntty kórsetti. Aldaǵy aıqas toǵyz raýndqa josparlanǵan.

Batyr Júkembaev óziniń keıingi jekpe-jegin qyrkúıekte argentınalyq boksshy Ýgo Roldanaǵa (22-2-1, 7 KO) qarsy ótkizip, tóreshilerdiń aralas sheshimimen jeńiske jetken. Sondaı-aq birinshi ortasha dıvızıondaǵy WBA Continental North Americas aımaqtyq tıtýlyn ıelendi.

Mohamed Mımýnǵa keler bolsaq, ol shildede amerıkalyq Stıven Galeanony (12-1, 9 KO) altynshy raýndta nokaýtqa jibergen bolatyn. Buryn frantsýzdyq boksshy birinshi jartylaı orta salmaqta IBO nusqasy boıynsha álem chempıony bolǵanyn aıta keteıik.