Basymyzdan ótken qaıǵy-qasiretti este saqtaýymyz kerek – Rım Papasy Frantsısk

NUR-SULTAN. QazAqparat – Rım Papasy Frantsısk EXPO halyqaralyq kórme ortalyǵynyń aýmaǵynda Messa rásimin ótkizip jatyr. Ol óz sózinde Qazaqstanǵa ári qaraı da baýyrlastyq pen túsinistikte ómir súrý úshin ne qajet ekenin aıtty, dep habarlaıdy QazAqparat tilshisi.

Messa rásiminiń barysynda Rım Papasy qazaqstandyqtardy óz tarıhyn sanada qasterlep ustaýǵa shaqyrdy.

«Bul jerdiń tarıhy da túrli aýyrtpalyqtan kende emes. Men zorlyq-zombylyqtyń ábjylandary týraly, ateıstik qýdalaýlar týraly, halyqtyń erkindigine qater tóngen tynyshsyz jol týraly oılaımyn.

Bizge basymyzdan ótkergen qaıǵy-qasiretti este saqtaý paıdaly: biz óz jadymyzdan keıbir beımálim dúnıelerdi syzyp tastamaýymyz kerek. Áıtpese biz olardy aǵyp ótken, biraq keıin keri aqpaıtyn sý dep senip qalýymyz múmkin», - dedi Katolık shirkeýiniń basshysy.

Onyń aıtýynsha, eldi beıbitshilikte ustap turý úshin kún saıyn sonyń jolynda úzdiksiz jumys isteý kerek.

«Beıbitshilikpen máńgilikke qamsyzdaný múmkin emes. Ony túrli etnıkalyq toptar men dinı dástúrlerdiń tirshilik etýi, tutastyqta damý jáne áleýmettik ádilettilik sııaqty kún saıyn shyńdap otyrý qajet.

Al Qazaqstan baýyrlastyq pen dıalogta, túsinistikte budan da jaqsy damýy úshin, ózge halyqtarmen yntymaqty áriptestik kópirin ornatý úshin jalpyǵa ortaq kúsh salý kerek», - dedi Rım Papasy Frantsık.

Syrtqy ister mınıstrliginiń málimeti boıynsha shara ótetin aýmaqqa qazirgi tańda 7 myńnan astam adam jınalǵan.

Sharany uıymdastyrýshylardyń aıtýynsha, Messa ótip jatqan aýmaq 10 myń adamǵa shaqtalǵan.

Onyń basym bóligi Ortalyq Azııa men ózge de taıaý elderdiń dindarlaryna arnalyp otyr.

Reseılik din qyzmekteri pirádar Ivan atalmysh sharany tarıhı mańyzy bar oqıǵa dep atady.

Qaraǵandy oblysynan Messaǵa 350-den astam katolık arnaıy kelgen.