Basym jobalardy iske asyrýǵa 379,9 mlrd. teńge kóleminde qosymsha qarajat bólinedi
«Memleket basshysynyń aǵymdaǵy jylǵy 1 shildede jáne 9 qyrkúıekte ótken keńeste bergen tapsyrmalaryn iske asyrý maqsatynda basym jobalar men is-sharalardy iske asyrýǵa 379,9 mlrd. teńge kóleminde qosymsha qarajat bólý usynylady. Onyń ishinde 283,4 mlrd. teńgeni ónimdi jumyspen qamtýdy qamtamasyz etýge jáne ekonomıkalyq ósýdi yntalandyrýǵa eskerilip otyr»,-dedi mınıstr.
Sonymen qatar buryn bekitilgen bıýdjet qarajatyn qaıta bólý jáne 96,5 mlrd. teńge mólsherinde qosymsha qarajat bólýdi eskere otyryp, basqa da basym shyǵystardy qosymsha qarjylandyrý usynyldy.
«Bul rette, Ulttyq qordyń aıtarlyqtaı tómendeýine jol bermeý maqsatynda 2016 jyly kepildendirilgen transferttiń mólsherin 2 trln. 880 mlrd. teńgeden 2 trln. 479,7 mlrd. teńgege deıin qysqartyp, kepildendirilgen transfertti 400,3 mlrd. teńgege az kólemde tartý usynylady»,-dep atap ótti Q. Bıshimbaev.
Budan bólek ol bıýdjet tapshylyǵy bekitilgen 902,7 mlrd. teńge nemese JІÓ-ge qatysty 2 paıyz deńgeıinde saqtalǵanyn jetkizdi.