Basy birikpegen jeke sharýashylyqtar shyn máninde ólmestiń kúnin kórip otyr – Memleket basshysy
«Biz gorızontaldy kooperatsııanyń da áleýetin esten shyǵarmaýyz qajet. Onsyz agroónerkásip kesheninde qarqyndy damý bolmaıdy. Basy birikpegen jeke qosalqy sharýashylyqtar shyn máninde ólmestiń kúnin kórip otyr. Bul rette sapaly ári mol ónim óndirý, úzdiksiz taýar jetkizý týraly sóz qozǵaýdyń ózi orynsyz», - dedi Memleket basshysy,
QR Prezıdentiniń atap ótýinshe, básekege qabiletsizdik pen ımporttan aryla almaı otyrýymyzdyń sebebi de osynda jatyr.
«Kooperatsııa kezinde jer jáne basqa da múlikke qatysty barlyq quqyqtar saqtalady. Kooperatsııa sharýashylyqtarǵa shıkizat satyp alý, ónim óndirý jáne ony satý barysynda kúsh jumyldyrýǵa múmkindik beredi, Aýyl eńbekkerleriniń aýyr jumysy tym arzan baǵalanady. Bul jasyryn emes. Tabystyń basym bóligine alypsatarlar kenelip jatady. Sondyqtan sýbsıdııa jáne salyq jeńildikterin berý baǵdarlamalary aıasynda aýyldyq jerderdegi kooperatsııany yntalandyrý úshin tıisti sharalar toptamasyn ázirleý qajet», - dedi Qasym-Jomart Toqaev.