Basty mindet – jumyssyzdarǵa jan-jaqty qoldaý kórsetý – Tamara Dúısenova
Aldymen «Edil-Oral» oqý-óndiristik ortalyǵynyń jumysy usynyldy. Ortalyq elektr, jeldetý júıeleri, mehanıka men kabel montajdaý, telekommýnıkatsııa salalarynda synaqqa qajetti qural-jabdyqtarmen jabdyqtalǵan. Munda tehnıkalyq mamandyqtardy meńgergen túlekterdiń bilimi men quzirettik deńgeıi tekseriledi. Barlyq synaqtan ótkennen keıin olarǵa kásiporyndarǵa jumysqa ornalasýǵa jol ashatyn sertıfıkat beriledi.
«Basty mindetimiz – jumyssyz azamattarǵa jan-jaqty qoldaý kórsetý. Bul rette aımaq ákimdigi múddeli memlekettik organdarmen birlese tıisti sharalar qabyldaýy qajet. Memleket tarapynan jumyssyz azamattarǵa qatysty túrli jobalar qarastyrylǵan. Biliktiligin shyńdaımyn degenderge oqý kýrstary, óz kásibin ashqysy keletinderge jeńildetilgen nesıeler usynylady. Azamattarymyzdy qoldaý úshin barlyq múmkindikterdi paıdalanýymyz kerek», -dedi Tamara Dúısenova.
Máselen, «Teńiz» ken ornyndaǵy «Keleshek keńeıý» jobasynyń aıaqtalýyna baılanysty qyzmetkerler jumystan bosatylyp jatyr. Oblys ákimdiginiń deregine sáıkes, byltyr jumystan bosatylǵandardyń 96%-y áleýmettik qoldaý sharalarymen qamtylǵan. Jartysynan astamy jumysqa ornalasqan. Ózgelerine áleýmettik tólemder taǵaıyndalyp, bir bóligi oqý kýrstarynan ótken.
Aýyl turǵyndarynyń tabysyn arttyrýǵa baǵyttalǵan «Aýyl amanaty» jobasymen byltyr 1,5 mlrd teńgeniń 192 shaǵyn nesıesi berildi. Bıyl óńirge atalǵan joba aıasynda 761 mln teńge qarastyrylǵan. Bul qarjymen 83 adam jeńildetilgen nesıe alady degen jospar bar.
Máselen, baǵdarlamaǵa qatysýshylardyń biri – Qýanysh ıAkýdın Tasqala aýylynda turady. Ol qulpynaı egýdi qolǵa alǵaly otyr.
«Men kásip ashpas buryn oqý kýrstarynan óttim. Qulpynaı ósirýdiń óz ereksheligi bar. Sondyqtan, onyń eki túrin egýdi kózdedim. Qaısysy jaqsy ónim beretinin baqylaýym kerek», -deıdi Qýanysh ıAkýdın.
Qazir Atyraý oblysynda 51 jylyjaı bar. Jylyjaıdyń deninde kókónis ósiriledi.
Eske sala ketelik, buǵan deıin Atyraýda kásipkerler úshin quqyqtyq algorıtm ázirlenetinin habarlaǵan edik.