Bastalýyna 3 kún qaldy: Astanada Dúnıejúzilik Kóshpendiler oıyndaryna daıyndyq tekserildi

<p>ASTANA. KAZINFORM - Jarysty ótkizý jónindegi shtab músheleri elordanyń kommýnaldyq, medıtsınalyq, polıtsııa jáne órt sóndirý qyzmetteriniń daıyndyǵyn tekserdi. Sol sııaqty jeke quramnyń, arnaıy tehnıkanyń, medıtsınalyq jáne qutqarý jabdyqtarynyń daıyndyǵy tekserildi, dep jazdy elorda ákimdiginiń resmı saıty.</p>

Shtab músheleri birqatar nysandy – Ulttyq mýzeı, «Dýman» qonaq úıi, etnoaýyl, «Qazanat» ıppodromy, jekpe-jek saraıy jáne «Astana Arena» nysandaryn tekserdi. Qazirgi ýaqytta barlyq qyzmet mamandarynyń turatyn oryndary anyqtaldy, tamaqtaný máseleleri jáne t.b sheshildi. Barlyǵy 150 medıtsına qyzmetkeri tartylady.

Budan basqa, is-sharalardy ótkizý kezeńinde barlyq kommýnaldyq qyzmettiń úzdiksiz jumysy qamtamasyz etiledi. Paıdalanýshy kásiporyndar sýmen jabdyqtaý jáne sý burý jónindegi ınjenerlik kommýnıkatsııalarǵa, Dúnıejúzilik Kóshpendiler oıyndaryn ótkizýge tartylǵan nysandarǵa tekserý júrgizdi. Júıeler shtattyq rejımde jumys isteıdi.

Kásiporyndar jaýapty tulǵalardy belgiledi, avarııalyq qyzmetterdiń kezekshilik kesteleri jasaldy jáne bekitildi. Kez kelgen yqtımal aqaýlarǵa jedel den qoıý úshin daıyndyqta bolatyn arnaıy brıgadalar quryldy. Negizgi nysandar men kommýnıkatsııalardyń táýlik boıy monıtorıngin qosa alǵanda, ınjenerlik júıelerdiń jumysyna baqylaýdy kúsheıtý boıynsha qosymsha sharalar ázirlendi jáne engizildi. Іs-sharalar ótetin barlyq nysanda rezervtik tamaqtaný qamtamasyz etilgen.

5-shi Dúnıejúzilik kóshpendiler oıyndary Astanada 8-13 qyrkúıek aralyǵynda ótedi, oǵan álemniń 89 elinen 2500-den astam qatysýshy qatysady.

Astanada ótetin Búkilálemdik kóshpendiler oıyndarynda sporttyń 21 túrinen 97 medal jıyntyǵy oınalady. Tolyq aqparatty myna silteme boıynsha alýǵa bolady: https://worldnomadgames.kz/ru.

Buǵan deıin Dúnıejúzilik kóshpendiler oıyndarynda Qazaqstan quramasynyń negizgi qarsylasy týraly jazǵan bolatynbyz.