Basshylyq laýazymǵa 18 kandıdat polıgraf synaǵynan óte almady - «Samuryq-Qazyna»

ASTANA. QazAqparat – «Samuryq-Qazyna» qorynda basshylyq laýazymǵa úmitti kandıdattar polıgraf apparaty arqyly synaqtan ótedi. Bul týraly qordyń qoǵammen baılanys jáne ózgeristerdi basqarý jónindegi dırektory Ǵıbrat Aýǵanov málim etti, dep habarlaıdy QazAqparat tilshisi.

Málim etilgendeı, atalǵan synaqtan 96 úmitker ótip, 18-i ótpeı qalǵan.

«Birinshi basshylar, basqarýshy dırektorlar jáne qurylymdyq bólim basshylary laýazymyna úmitkerler komplaens-tekserýden ótedi. Ondaǵy maqsat – úmitkerdiń qor kompanııalarynyń joǵary laýazymdy basshylaryna týystyǵynyń bar-joǵyn, sybaılas jemqorlyq jáne repýtatsııalyq táýekelderdi anyqtaý», - dedi Ǵıbrat Aýǵanov «Samuryq-Qazyna» qorynda ótken baspasóz máslıhatynda.

Onyń aıtýynsha, polıgraf synaǵynan ótkizý kezinde qoıylatyn saýaldardyń aýqymy keń.

«Samuryq-Qazyna» qorynda bıyl naýryzdan bastap satyp alý salasynda basshylyq laýazymǵa taǵaıyndalatyn úmitkerlerdi polıgraf apparaty, ıaǵnı jalǵandyqty anyqtaıtyn detektor arqyly tekserý engizildi. Úmitkerlerdi tekserýdi Qazaqstan polıgrafologtar qaýymdastyǵynyń mamandary júrgizedi. Qazirgi tańda qor tobyndaǵy 38 kompanııada 96 úmitker polıgraftan ótti. Onyń ishinde 18 úmitker atalǵan synaqtan ótpeı qaldy», - deıdi ol.

Buǵan deıin «Samuryq-Qazyna» qorynyń ókili «Elimizge kelip jatqan Reseı azamattary qor jáne oǵan qarasty kompanııalarda jumys isteı ala ma?» degen saýalǵa jaýap bergen edi.

Foto:fainaidea.com