Basshylaryn ıissýmen «satyp almaq» bolǵan mańǵystaýlyq sheneýnik jumystan qýyldy

AQTAÝ. QazAqparat - Munaıly aýdanynyń ákimi Rahat Eltızarovtyń ókimimen QR Memlekettik qyzmetshilerdiń ádep kodeksiniń talaptaryn buzǵany úshin Munaıly aýdandyq kásipkerlik jáne aýyl sharýashylyǵy bólim basshysynyń mindetin atqarýshy Bahtııar Qýanyshbek qyzmetinen bosatyldy, dep habarlaıdy QazAqparat tilshisi.

Buǵan deıin Mańǵystaýdyń Munaıly aýdanyndaǵy ákimdiktiń bólim basshysy basshylaryn ıissýmen «satyp almaq» bol ǵany jazylǵan vıdeo áleýmettik jelide taraǵanyn jazǵan edik.

Aıta keteıik, vıdeoda Munaıly aýdandyq kásipkerlik jáne aýyl sharýashylyǵy bólimi basshysynyń mindetin atqarýshy Bahtııar Qýanyshbektiń áriptesterimen áńgimesi jazylǵan.

Al sol vıdeoda aty atalǵan oblystyq basqarmanyń eki basshysy «bul vıdeojazba sybaılas jemqorlyqqa shaqyrady» dep quzyrly orynǵa aryz-shaǵym túsirdi.

Aıta keteıik, Bahtııar Qýanyshbekov osydan bir jarym aı buryn Munaıly aýdandyq kásipkerlik jáne aýyl sharýashylyǵy bólimi basshysynyń mindetin atqarýshy qyzmetine taǵaıyndalǵan bolatyn.