Basshynyń artynan kóship-qonyp júretinder ujymnyń altyn ózegi emes – Qýat Dombaı

<p>Astanada ótip jatqan &laquo;HR jáne tsıfrlyq tehnologııalar garmonııasy: úzdik komandalarǵa arnalǵan ınnovatsııalar&raquo; atty konferentsııa aldynda BAQ ókilderine suhbat bergen HR jáne rekrýtıng salasynyń sarapshysy Qýat Dombaı Qazaqstandaǵy &laquo;komandalyq kósh&raquo; qubylysy týraly pikir bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«Mamandar turaqsyzdyǵy búkil álemde ózekti máseleniń biri bolyp esepteledi. Sonyń ishinde Qazaqstanda da túrli saladan osyndaı máseleni baıqaýǵa bolady. Mysaly, bir maman ketken kezde onyń ornyna adam izdeý bastalady. ıAǵnı, onyń ornyn basatyn adam tabylǵansha birneshe aı ketýi múmkin. Osy aralyqta álgi mamannyń moınyndaǵy jumys aqsap qalady. Rekrýtıng degen másele osy olqylyqtyń ornyn toltyrýǵa baǵyttalǵan. ıAǵnı ketken mamannyń ornyna adam izdeý ýaqytyn qysqartý úshin jáne jumys úderisine zııany bolmaý úshin aldyn ala shara qabyldaý kerek. Búgingi konferentsııada osy baǵyttaǵy oń tájirıbeler týraly baıandaımyn», - deıdi «SK «NOMAD Inshýrans» aktsıonerlik qoǵamy basqarma tóraǵasynyń keńesshisi Qýat Dombaı.

Sarapshy, mamandar turaqsyzdyǵynyń basshylyqtyń jıi aýysýymen de baılanysy bar ekenin aıtady. Biraq bul kópshilik ishinde aıtylyp júrgendeı, «komandalyq kósh» emes, korporatıv mádenıetimen baılanysty názik másele kórinedi.

«Men birneshe bankte jumys istedim. Bank tóraǵasy aýysqanda 10-20 paıyz personal birge ketedi. Bul basshylyqpen ym-jymy bir bolǵandyqtan emes. Jańa basshy kelgende ózi ustanatyn korporatıv mádenıetin engizedi. Burynǵy basshynyń jumys stıline úırengen adamdar basqa jumys izdeı bastaıdy. Keıde ondaı adamdardyń úlesi ujymnyń 40 paıyzyna deıin jetedi. Bul – aqshanyń máselesi emes. Basshynyń komandalyq kóshi de emes. Ol – korporatıv mádenıeti. Bul bankterge ǵana tán másele emes. Úlken ujymdardyń bárine tán. Tipti memlekettik qurylymdarda da osylaı. Adam ózi úırengen jumys tártibi ózgergende basqa jumys izdeı bastaýy tabıǵı qubylys. Biraq myqty basshy osy kezde ujymdaǵy eń kásibı mamandardyń ketip qalmaýyna kúsh salady. Óıtkeni korporatıv mádenıeti aýysqan kezde ketetin 20 paıyz maman – naǵyz kásibı mamandar. Olarǵa naryqta suranys bar. Sondyqtan olar ózine yńǵaıly ortany tańdaı alady», - deıdi ol.

Qýat Shombaı kez kelgen ujymda naǵyz eńbekqor mamandar men basshyǵa jaqyn top bolatynyn aıtady.

Meniń baıqaýymsha, ár uıymda úsh top jumys isteıdi. Onyń biri – kásibıler. Ekinshisi – komanda retinde kelip-ketip júretinder. Úshinshisi – qalaı kelip, qalaı ketkenin ózi de bilmeıtin top. Siz aıtyp otyrǵan basshylyqqa ıkemdi toptyń ketkeni uıymǵa sonshalyqty mańyzdy emes. Eń basty qundylyq – kásibı top. Ol mamandardy ár uıym ustaı bilý kerek. Bul ózi ujymnyń 20-30 paıyzy ǵana. Biraq búkil jumystyń «uıymdastyrý jadysy» – osy adamdar. Qandaı basshylyq kelse de, ol adamdar qalýy kerek jáne olardyń eńbegi baǵalanýy kerek. Olardyń jumys ornynda qalýy, uıymda turaqtap isteý aqshamen ǵana baılanysty emes. Ol topqa korporatıv mádenıeti mańyzdy. Yntalandyrý shemalaryn engizý kerek", - dedi Qýat Shombaı.

Aıta keteıik, QR Prezıdent is basqarmasy Medıtsınalyq ortalyǵyna qarasty Medıtsınalyq tehnologııalar jáne aqparattyq júıeler ortalyǵynyń uıymdastyrýymen ótip jatqan sharaǵa memlekettik qurylymdardyń, belgili medıtsınalyq habtardyń, alpaýyt kompanııalardyń top-menedjerleri, HR jáne IT sarapshylar, bıznes-tálimgerler qatysyp jatyr.