Baspasóz hatshylary resmı aqparat berýdiń jańa formatyna kóshýi kerek – Úkimet basshysy

NUR-SULTAN. QazAqparat – Memlekettik organdardyń resmı ókilderi, baspasóz hatshylary resmı aqparat berýdiń jańa formatyna kóshý kerek. Bul týraly Úkimet otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Buqaralyq aqparat quraldaryna anyqtamalyq materıaldardy ýaqytyly usyný kerek. Tek sonda ǵana qoǵam qarapaıym halyqqa arnalǵan ıgi isterdiń qalaı jasalyp jatqanyn kóre alady. Memlekettik organdardyń resmı ókilderi, baspasóz hatshylary resmı habarlardy berýdiń jańa formatyna kóshý kerek dep sanaımyn. Kásibı, qurǵaq tilde jazylǵan press relızderdi taratýmen ǵana shektelip qalýǵa bolmaıdy», - dedi Álıhan Smaıylov búgin Úkimet otyrysynda.

Osy rette Úkimet basshysy brıfıngter men saıttardan basqa memlekettik organnyń qyzmetin áleýmettik jelilerde belsendi jarııalap, halyqtyń suraqtaryna turaqty túrde jaýap berý qajettigin basa aıtty.

«Aqparat jáne qoǵamdyq damý mınıstrligi osy baǵytta barlyq memlekettik organdardyń jumysyn úılestirip, oǵan turaqty monıtorıng júrgizip otyrýy jáne qoldaý kórsetý tıis», - degen Premer-Mınıstr bul jumystardy úılestirýdi orynbasary Eraly Toǵjanovqa júktedi.