Baspasóz hatshylary departament dırektory deńgeıimen teńestirilmek
«Taǵy bir mańyzdy baǵyt - bul memlekettik organdardyń BAQ-pen ózara is-qımyly. Baspasóz qyzmetiniń jumysyna úlken nazar aýdarylyp otyr. Sońǵy ýaqytta memlekettik organdar birinshi basshylarynyń baspasóz qyzmetterine qarym-qatynasy qatty ózgergendigin barlyq jaýapkershilikpen aıta alamyn», - dedi ol jergilikti atqarýshy organdar qyzmetiniń ashyqtyǵyn qamtamasyz etý máselelerine arnalǵan respýblıkalyq semınar-keńeste.
D.Abaevtyń aıtýynsha, endigi ýaqytta mınıstrler de, ákimder de baspasóz hatshylardyń jumystaryna jaýapkershilikpen qaraıtyn bolǵan.
«Bul ýaqyt talaby. Biz óz tarapymyzdan jyl saıyn baspasóz qyzmetteri qyzmetkerleriniń biliktiligin arttyrý kýrstary men semınarlaryn ótkizip, eń belsendi ári saýatty baspasóz hatshylardy Astana Media week aıasynda yntalandyryp otyramyz. Biz alǵash ret baspasóz hatshylarynyń mártebesin BAQ týraly zańda jazdyq. Qazirgi ýaqytta baspasóz hatshysy sanatyn departament dırektoryna deıin kóterý boıynsha jumys júrgizilip jatyr», - dedi ol.