Baspanasyz qalǵan temirjol kúzet qyzmetkerine áriptesteri úı alýǵa kómektesti

ASTANA. QazAqparat - Jańa jyl qarsańynda temirjoldyń «Áskerılendirilgen kúzet qyzmeti» AQ Shymkent fılıaly komandasynyń atqyshy Marat Sıhovtyń kóp balaly otbasy jańa úıge qonystanatyn bolady, dep habarlaıdy «Qazaqstan temir joly» UK» AQ baspasóz qyzmeti.

Jaqynda «Áskerılendirilgen kúzet qyzmeti» AQ (ÁKQ) Shymkent jáne Qyzylorda óńirlerindegi fılıalynyń Arys ózeni arqyly ótetin temirjol kópiriniń kúzetshisi , «Qostúıin» atqyshtar komandasynyń jaýyngeri Marat Sıhovtyń úıi órtenip ketken bolatyn. Otbasy músheleri zardap shekken joq. Alaıda qys kezinde aıtyp kelmes apattan úıdiń barlyq múlki órtenip ketken edi.

Maratqa «Áskerılendirilgen kúzet qyzmeti» AQ basshylyǵy men ujymy qoldaý kórsetip barlyq óńirdegi áriptesteri materıaldyq kómek berýge umtyldy.
Temirjol nysanyn kúzetýshiler jınaǵan qarjy úıi órtenip ketken qyzmetkeriniń bastapqydaǵy qajetti úı ishilik zattary men úı satyp alýyna da bolatyndaı etip jınaldy. Jınalǵan qarjyǵa Marat Sıhov Ońtústik Qazaqstan oblysy, Otyrar aýdany, Sh. Qaldaıaqov aýylynan úı satyp alyndy.
«Qoǵamnyń ujymy men «ÁKQ» AQ prezıdentine kórsetken kómekteri úshin alǵysym sheksiz. Sizderdiń kómekterińiz meniń otbasym úshin úlken qoldaý boldy. Meniń jalǵyz ózimniń eshnársege de múmkindigim jetpeıtindeı edi»,-dep Marat Sıhov áriptesterine alǵys aıtty.