Baspanasy bola tura, turǵyn úı kezegine tirkelgender bar – Otbasy bank
«Turǵyn úı kezeginde turǵan 46 azamattyń ótinimi keri qaıtaryldy. Sebebi olardyń jyljymaıtyn múlki bar. Al ereje boıynsha turǵyn úı kezeginde turǵan azamat atynda jyljymaıtyn múlik bolmaýy tıis. Demek jergilikti ákimdik turǵyn úı kezeginde turǵan azamattardy teksermeı, úı kezegine qoıa beredi degen sóz», - dedi Lázzat Ibragımova Ortalyq kommýnıkatsııalar qyzmeti alańynda ótken baspasóz máslıhatynda.
Bank basshysynyń aıtýynsha, keıbir ákimdikter turǵyn úı kezeginde turǵandarǵa monıtorıng júrgizbeıdi.
«Sonymen qatar 52 klıenttiń salyq boıynsha qaryzy bolǵan. Sol sııaqty 46 klıentke tólem mindeti júktelgen. Bul degenimiz atalǵan azamattardyń basqa bank aldynda qaryzy bar degen sóz. Olar basqa bank esepshotyndaǵy qarjysyn meńgere almaıdy. Biz qazir bul máseleni sheshýdiń zańdy jolyn qarap jatyrmyz. Indýstrııa jáne ınfraqurylymdyq damý mınıstrligi tıisti zańnamanyń jobasy ázirlendi. Ol qazir Májilistiń qaraýynda jatyr. Bul Qazaqstanda alǵash qolǵa alynyp otyrǵan joba. ıAǵnı memleketten sýbsıdııa alý úshin arnaıy esepshottyń bolýy. Ol esepshotqa túsken qarjyny basqa bank bizge qaryz dep sheship almaýy tıis. Eger ol azamattyń salyq boıynsha qaryzy bolsa da, memleket berip turǵan basqa múmkindikti paıdalanýǵa quqyǵy bar», - deıdi ol.
Buǵan deıin Otbasy bank AQ tóraǵasy jalǵa beriletin turǵyn úıge sýbsıdııa alýdyń retin túsindirgen edi.
Aıta keteıik, erteń 23 myń qazaqstandyq jalǵa beriletin turǵyn úıge sýbsıdııa alýǵa shaqyrtý alady.