Baspana jaldaýǵa 69,2 myń adamǵa sýbsıdııa beriledi – mınıstr

ASTANA. QazAqparat – Bıyl baspanany jalǵa alyp turýǵa kezekte turǵan 69 200 azamatqa sýbsıdııa berý josparlanyp otyr. Bul týraly Indýstrııa jáne ınfraqurylymdyq damý mınıstri Marat Qarabaev málim etti, dep habarlaıdy QazAqparat tilshisi.

«Bıyl 158 mlrd 500 mln teńge kóleminde oblıgatsııalyq qaryz berý esebinen 12 100 kredıttik páter salynady.

Bıýdjette kózdelgendeı 20 mlrd teńgege 2 myń jeńildetilgen nesıe beriledi.

Sonymen qatar 43 mlrd teńge mólsherinde kezekte turǵan 69 200 adamǵa turǵyn úıdi jaldaýǵa sýbsıdııa berý josparlanyp otyr.

Budan bólek, 2021-2022 jyldary paıdalanýǵa berilgen 8 800 páterli kredıttik turǵyn úılerdi kezekte turǵan azamattarǵa satý úshin, Otbasy bankin 103 mlrd 500 mıllıon teńge mólsherinde jeńildikti qaryzdar berýge qosymsha qarjylandyrý qajet», - dedi Marat Qarabaev Úkimet otyrysynda.

Mınıstrdiń aıtýynsha, óńirlerde jalǵa berilgen páterlerdi satyp alýǵa nıettiler sany artyp keledi.

«166,2 mlrd teńge bólingen jaǵdaıda, kezekte turǵan 26 myńǵa jýyq adamnyń baspana máselesi sheshilmek. Qazir tıisti qarajat bólý máselesin Qarjy mınıstrligimen birlesip pysyqtap jatyrmyz», - deıdi ol.

Foto: primeminister.kz