Baspana jaldaý sýbsıdııasyna 37 074 ótinish tústi - QR IIDM
Indýstrııa jáne ınfraqurylymdyq damý mınıstriniń orynbasary Erkebulan Daýylbaev Senattyń úkimet saǵatynda osyndaı málimet keltirdi.
«24 qarashadaǵy jaǵdaı boıynsha 37 074 ótinish qabyldanyp, 7 916 ótinish maquldandy. 1 944 ótinish boıynsha tólem taǵaıyndalyp, 1 877 tólem júrgizildi.
Baǵdarlamanyń qoljetimdiligin arttyrý maqsatynda turǵyn úı tólemderin taǵaıyndaý 17 rásimnen 12 rásimge deıin qysqardy.
Sonymen qatar, ótinish berýshiniń tabysyn esepteýden zeınetaqy jáne áleýmettik tólemder alyp tastalady», - dedi vıtse-mınıstr.
Atalǵan baǵdarlamanyń sharty boıynsha, baspana jaldaý aqysynyń 50%-y bıýdjet esebinen jabylsa, qalǵan 50%-yn jalǵa alýshy óz esebinen tóleıdi.
Jaldaý tóleminiń 50%-yn jabý respýblıkalyq bıýdjetten 80% jáne jergilikti bıýdjetten 20% mólsherinde júrgiziledi.
2022 jyly respýblıkalyq bıýdjetten 40 mlrd teńge jáne jergilikti bıýdjetten 10 mlrd teńge qarastyrylǵan.