Baspana naryǵynda mámile jasasý birshama jandandy – sarapshy pikiri

ASTANA. QazAqparat – Sáýirde naýryzǵa qaraǵanda jyljymaıtyn múlik salasynda jasalǵan mámile sany 29,5 paıyzǵa artty. Bul jaıynda Qazaqstan rıeltorlarynyń birlesken qaýymdastyǵy prezıdentiniń keńesshisi Nına Lýkıanenko aıtty, dep habarlaıdy QazAqparat tilshisi.

«Mámileler sanynyń mundaı artýy olardyń qańtar, aqpan, naýryz aıy boıy tómendeý aıasynda oryn alyp otyr. Bul áserdiń bolary aıqyn ári túsinikti de. Kópshiligi depozıtterge aqshalaı ótemaqynyń túsýin kútý kezeńinde mámile jasaýdy keıinge qaldyryp, suranysty keıinge qaldyrdy», - dedi ol agenttik tilshisine telefon arqyly bergen suhbatynda.

Onyń dereginshe, jańadan salynyp jatqan úılerdegi de, qaıtalama naryqtaǵy da páterge suranys saqtalyp otyr.

«Degenmen, mámile sanynyń tómendeýi aıasynda jalpy shym-shytyryq jaıt bar. Óıtkeni, satyp alýshylar satýshynyń óz nysanyn saýdalaýǵa qoıǵan sharttarymen alýǵa daıyn emes. Jarııalanǵan habarlandyrýdaǵy baǵada da úlken aıyrmashylyq bar. Alaıda, munda turǵan tosyn eshteńe de joq. Endi birneshe aıdan keıin bárin óz ornyna keledi. Aı saıynǵy mámileler sany 30 myńnyń ar jaq, ber jaǵynda bolady», - dedi Nına Lýkıanenko.