Baspana qurylysyn sapasyz júrgizgen 371 merdiger uıym jazalandy
Bul týraly «QazAqparat» HAA resmı saýalyna QR Ulttyq ekonomıka mınıstrliginen málim etti.
«2014 jylǵy segiz aıda júrgizilgen baqylaýdyń qorytyndysy boıynsha, memlekettik sáýlet-qurylys baqylaýdyń oblystyq, Astana jáne Almaty qalalarynyń aýmaqtyq organdary salynyp jatqan nysandarda memlekettik qurylys normatıvterin buzǵany úshin 370 merdiger uıymdy ákimshilik jaýapkershilikke tartty»,-delingen mınıstrlik málimetinde. Sonymen birge qurylys sapasyn eskermegeni úshin kinálilerge qatysty 256 ákimshilik is qozǵaldy.
Atap aıtqanda, qurylysqa baqylaýdy birneshe qurylym júrgizedi. Onyń ishinde bul sharalardy qurylysqa tapsyrys berýshi, jobalardy ázirleýshiler, aýmaqtyq memlekettik sáýlet-qurylys baqylaý organdary, sondaı-aq salynǵan nysandy tapsyrý kezinde memlekettik qabyldaý komıssııasy júzege asyrady.